Ferien
He, he, ich habe Ferien. Habe mich allerdings auch schon mehr auf die Ferien gefreut und sie auch schon noetiger gehabt. Hier noch einige Bilder vom letzten Schultag. Es ist auch mein letzter Schultag in der Uniform.
stacey und ich
Das ist nur ein kleiner Teil des Pausenplatzes. Manchmal finde ich meine Freunde fast nicht mehr, weil alle so gleich ausschauen. 
Es sind zwar eigentich Studienferien, wie die das hier nennen. Man sollte in diesen 2 Wochen fuer die Pruefungen lernen. Darum hoffe ich, dass es mir nicht langweilig wird, weil alle meine Kollegen strebern. Die lernen hier wirklich mindestens 3 stunden am Tag, das ist schon noch vorbildlich…. Ich mache nur eine Pruefung, naemlich Golf (hilfeee). Ich werde zu 99% durchfallen, aber es ist trotzdem noch lustig. Golf heisst uebrigens GENTLEMAN ONLY, WOMEN FORBIDDEN. Das ist kein Witz… damit erklaeren sich wohl auch meine (Un)faehigkeiten… Gestern war ich an einem Musikworkshop an der Schule. Das war allerdings nicht so spannend, weil die eigentlich nur ueber Streicher und Holzblaeser erzaehlten, aber auch von denen kann man lernen.:-) Am Abend war ich in Hastings an einem Feuerwerk. Es war ein riesen Rasenplatz und wir picknickten dort. Es spielte eine Liveband und alle hatten so Leuchtstaebe. Als es dann dunkel war, sah man nur noch ein Lichtermeer, war richtig friedlich. Nach dem Feuerwerk ging ich zu einer Kollegin und wir schauten DVDs. Ich war aber so muede und schlief fast ein.
Alice, Nathalie, Carlo
Ah habe noch etwas sehr Wichtiges vergessen: Heute fuhr ich in einem BRANDNEUEN MINICOOPER! Ich war die erste Person auf den Ruecksitz (das musste schon noch erwaehnt sein). Tja, so gehen Traeume in Erfuellung. 
Aber ich muss mal ein Foto machen, damit ihr euch schon an den Anblick gewoehnen koennt! Habe noch etwas vergessen. Letzte Woche ging ich mit meiner Sportklasse zu einem Hochseilpark. Das hat manchmal ein bisschen Ueberwindung gekostet, aber es hat mir extrem gut gefallen. Leider hatte ich meine Kamera nicht mitgenommen, aber vielleicht ist es besser so, damit sich die Grossmuetter nicht Sorgen machen… Bei einer Station musste man zuerst einen Pfahl hochklettern und dann oben draufstehen, was gar nicht so einfach ist… dann musste man gumpen (sorry, mir kommt das schriftdeutsche Wort gerade nicht in den Sinn ) und versuchen sich an einem Trapez festzuhalten, welches weiter entfernt in der Luft baumelte. Wenn man es nicht fassen konnte, fiel man einige Meter hinunter. Tja, das Ganze ist sehr schwierig zu erklaeren und ich bin wahrschenlich auch nicht so geeignet dazu, aber vielleicht koennt ihr es euch jetzt ein bisschen besser vorstellen.
25. September 2005 um 16:15
Liebe Sarah, danke sehr für deine Rücksichtsnahme.Die eine Grossmutter ist ja wirklich nicht schwindelfrei!
Schöne Bilder hast du geknipst - und die Bäume stehen in der Pracht des Frühjahrs. Schöne Ferien und alles Liebe.
26. September 2005 um 19:41
hallo saerleh!!gaeu dae hochseilpark isch cool!mier hei da ide noechi ou eine und ich be ou scho gange!zom toeu bruchts eifach zemlech oeberwendig!!ich ha iz no drei woche schou und de ganich ou ab id ferie!!(suedfrankrich)froeie mech sehr und be werklech (meischtens) zfrede met minnere familie.ich be haut iz es einzuchend, werde schoen verwoehnt
aber ich gniesse das natuerlech vou, eigne mier aber hoffentlech nid zfescht gwohnheite vomene einzuchend ah!!!(ich wott wott wott…)
ja gaeu, mini kollege schaffe ou soo voeu foerd schou, isch aecht da dschwiz e usnahm?hoet het eini fascht afa bruele, woeu si es heft vergaesse het deheime..ich ha werklech nid gwoest, was da dra schlemm isch!aber sie het do e zoenftigi straf vom lehrer oebercho, die si zom toeu so straeng da!:-(
gniess die ferie!nued foerd schou mache koenni, sgeit mer glich
vivre la france antoniaaa
27. September 2005 um 1:22
ou sarah, du duesch ja rechtig spienzle. ech wett ombedengt ou eisch vo däm pfoschte abegompe. ech cha mer sehr guet vorstöue wie das esch
“gumpen”: “(ab)springen”; “hüpfen”; “hopsen”; “sich in die Luft beschleunigen”; ….
@antonia: aso d schwiz esch ke usnahm, was strebere abelangt. es get da relativ vöu wo prinzipiel nie ufene prüefig lehre, husufgabe scho gar ned. ond wäns e benoteti arbet während de stond get, ziehs es paari vor, chli z rede aus z schaffe ond es geit ne am “arsch verbi” (ech weis grad de schreftdürsch usdrock ned
) wän si es 1 hei.
es agnähms lernklima, wonech mech gärn tue devo la astecke
27. September 2005 um 7:11
Aso aso Jimmy, das esch jo ned zom metläse… Gäu, e chli aaschtränge tuesch di doch scho, und sigs nor, um för die andere es guets Vorböud zi, dis schreftleche schpanisch züebe - oder mier zlieb…
27. September 2005 um 8:04
Auf der Seite “Anleitung” (rechts im Menü) hat es ganz unten einen Link auf eine PDF-Anleitung zum Fotoalbum!
29. September 2005 um 16:42
@mama: aso die nämes da met em schreftleche spanisch ned so sträng. wämmer es wort lest mues es eifacht rechtig töne. ech schribe gloub korrekter aus si, wän ech weis wie mers ussprecht. ha ämu scho vöu fausch gschrebnigs gse
29. September 2005 um 21:39
Hallo zäme
wis usgseht geits ja aune beschtens! Das freut mich natürlich! mier si etz grad vo Prag heicho!
Das esch auso ou es erläbnis gsi! Es het eifach nur 5 täg duret und nid es Jahr!
Machits guet!
Gruess Mänu
30. September 2005 um 21:06
liebi meiers,
ich warte of noei iitraeg! mier geits im momaent super, ha grad es langadurends hoech! be am donnschtig zerscht mau id bratsche stund!es isch e jungi lehrerin und sie isch sehr lieb! ich fuehle mech eifach so frei da und ohni verpflichtige! ide schwiz mues mer emmer luege, dass mer aune graecht werd und dass mer e chli zit foer sich het! da han ich so voeu zit foer mech und im momaent gniess ichs eifach! obwou ich natuerlech ds hektische schwizlaebe ou nid wett misse! saerleh, ich vermesse dschaffe im autersheim, du nid ou? ich ha scho weder zganze wochenaend verplanet, da han ich doch gar ke zit foer dschou, das werd conny sicher ou verstah, und muesch der ke sorge ome jimmi mache, er lehrt vellecht nid voeu foerd schou, defoer foers laebe,isch doch wichtiger
kuessli usem chaes und jogurtland antonia
1. October 2005 um 0:22
hey säri bäri
i ha grad geschter tröimt du sigsch ou mitcho uf prag
wär de öpe luschtig gsi. ja mer heis guet gha, cheibe luschtig! hehe! wirsch de no meh infos übercho! s töneli und de jimmy ou!
wiedermau zruggchunnsch de göih mer de dert! okay? de muesch mer de das zeige wie das geit!
het imfau im sörebärg (gloubi ömu!!) ou sone hochseilpark. wenn de ändlich
weisch, die heis haut nötig z lehre, mir ir schwiiz si ja soooo gschid! mer si i auem es naturtalent. hehe
auso liebi grüess
1. October 2005 um 7:05
@antonia: guet, das dus gniessisch!! Ech vermesse z schaffe ned werklech, meh z faehlende Gaeud.
Ech wett ja gaern weder noeii itraeg mache, aber mini Digitalkamera esch aebe iz Meer gheit - vou scheisse. Muesch noch chli gedoud ha….
@barble: ha, ha,… ben ech wenigschtens aschtaendig gse z Prag?
1. October 2005 um 15:59
Ez mues hout de Jimmy id Hose und Beiträg schriebe bis d’Sarah weder cha böuder schiesse
2. October 2005 um 18:20
@sarah: ou so wie immer
du hesch no öper vo neuseeland mitgnoh gha. bisch aber fasch nie ume gsi.. weiss ou nid was du denn de aube aues gmacht hesch 
2. October 2005 um 21:23
dobrj den
heisst öpis uf tschechisch aber weiss nüm was…öpis ahndlechs wi sali zäme oder so=)
jaja d bäbe und ihri tröim.so das ier ustuschstundänte ou chli öpis vos bäbe’s töim und läbemitüberchömit e chlini zämefassig.s’barbi het wöue riich (und schön) wärede drum hetsi z prag de floki ghüürate, aber glich immer aneri hübschi männer mit de kamera gflimet.das isch de äbe ou de grund gseh vos flokis scheidig=)äbe das zu de tröim und zum äschtändig si z prag!
übrigens hätte mier hüt chöubi gha und d särle esch ned cho=((bisch ja nonie cho aber wär glich luschtig gseh)
ja und schüscht…mier hei itz ou ferie da im äntlibuech. s chregeli und ich göi e wuche oder so uf holland ga d dorfjugend uf mische oder ou chli ga i schöne outos ume flitze und ab stäcke abegumpe=)
iehr liebe möchits guet und immer schön sorg ha!
3. October 2005 um 2:12
@rome: ez heit ier scho weder Ferie?
mags oeich ja scho goenne. aso rome, chaisch mer mau erklaere was de reiz esch vo ab staecke abegompe? Haebs guet ond e liebe gruess i de chregi…pfuus guet
3. October 2005 um 19:13
@ rome,
dobrj den heisst guten tag und ahoi heisst aufwiedersehen, han ich emmer so luschtig gfonde
heit ers guet gha z tschechie? met de lehrer ou?waer isch ou scho weder met cho?so fies, aui hei ferie, und ich ha no 3 woche schou!
morn doei dlehrer streike ide schou, ha auso eigentlech ke schou!da zfrankrich doei im momaent aui streike, isch rechtig muehsam! post, bus, schwimmbad…(aber dass dleher streike isch ja werklech eisch oeppis schoens, soettesi ide schwiz ou mache)
kuessli us frankrich
5. October 2005 um 0:16
Hallo Bsuecherinnen und Bsuecher
Was meined ihr eigentlich dezu, dass me uf de rächte Site grad die neuste Kommentare gsed? Isch bi euch d’Website ou breiter aus de Böudschirm wie bi de Sarah? Was müest mer söscht no ändere oder iboue? E Chatroom?
Chömed ihr drus bim Fotoalbum. I de Aleitig oben rechts hets neu ganz onde e Link wo beschrebe isch, wie mer das Benotzt. Zom Bispöu cha me det uf “Detail” klicke und de cha mer auch Beschribige läse und e Kommentar abgä. Probierids doch mou us! Eine mues de erschti si!
5. October 2005 um 7:36
hey, ech weis ja scho das ech mech scho mau beschwaert ha, aber ech oessere mech ez da glich noeisch. Ech wett am liebschte es gaeschtebuech, woeu ech daenke ned, das gnueg luet uf die page goei, das e chattroom interessant waer. Waer cool, wen mer choennt gse, waer schoesch no online esch. Ond oebringens find ech das de Jimmy weder mau soett e biitrag schriibe, gaeu!
ech cha naemlech ez ke fotoene me mache… 
6. October 2005 um 16:18
@sarah: was de reiz esch ab stäcke abezgompe chanech dier ou säge.
@antonia: besch ned die einzig, wo nidisch uf ferie esch. ech ha scho zwe mönet schou ond es fähle no zwe
defür chöme de nachär chli längeri ferie.
@admin: ech fänds ou guet wämmer gsäch wär online esch. ond de wär e chline chatroom scho ned schlächt.
6. October 2005 um 16:36
ich ha scho aui foeteli agluegt, donkt mi oeberhoupt nid kompliziert.vellecht han ichs ou nid richtig usgschoepft!faendi ou guet wenn mer gsaech, waer online isch, miech das ganze no chli interessanter!aber mich donkts scho so e super sach, ich bi aktivlaeseri…
@jimmi: so wie dier schou heit, isch richtig dass der ke ferie heit, soescht woerde ja die chilene gar nued lehre..
22. October 2005 um 11:44
Hallo Sarah
Dile Uniform steht dir wirklich gut. Ich würde beantragen, sowas in der Schweiz auch wieder einzuführen. Nun sind dein Ferien bereits bald wieder vorbei, und wie ich dich kenne wirst du mit deinen Klassenkameradinnen wetteifern und gute Leistungen und ein hervorragendes Zeugnis. Ãœbrigens würde ich dir empfehlen eine Abschluss zu machen. Was lernt ihr eigentlich im kommenden Jahr, wie sieht das Programm aus? Ich freue mich immer wieder an deinen Berichten und der kernigen Sprache. Du solltest auch ein Buch schreiben über deine Erlebnisse in Neuseeland. Das würde bestimmt ein “Reisser.” Liebe Grüsse aus der alten Welt. Grosspapa