reisen…
so. ez han echs weder mau fertig bracht, am ne woeudfroemde computer mini fotene sowit z brenge, das ech si cha uf die website tue. Das het secher oeppe 2 stond duret (ha gloub es gwoessnigs talaent ned so gerbt 
) ond drom gets ez haut nor e chorzzaemefassig.
Ha nor d fotene vom 6. dezaember (juhui samichlaus) bes eze, woeu die vo vorhaer scho broennt si.
Am 6. dezaember ben ech z queenstown gse. Das esch de ort wo am meischt tourischte haeregoei. Esch beruehmt foer bungee jumping, skidiving ond jetboating. Ke angscht mama, ha de nor z drette gmacht…
…ond zwar i daem canyon.
Aschliessend han ech aebe ke gaeud meh gha zom oeppis normaus mache, drom ben ech de met daem coole schlette 3 stond i de gaegend ome cruised.
vo dere broegg us het de erscht bungeejump stattgfonde.
Uf daem trip ben ech ou no das aute goldgraeberstettli Arrowtown ga aluege, ond, was fascht z beschte gse esch, esch e riesige suessigkeitslade. sogar mier esch fascht schlaecht worde, ond das brucht zemlech voeu.
das foti han ech am abe waehret de busfahrt vo queenstown nach Wanaka gmacht.Lake Wanaka:
Nach daem tag z queenstown ben ech de weder zroegg uf Wanaka, won ech met zwe kolleginne foer 3 taeg em ne feriehus gwohnt ha. Mier hei ja das hus sogar foer ues elei gha, ond die ziit det werd ech so schnoeu gloub ned vergaesse. 
nachaer ben ech zroegg uf timaru ond ha mis zueg packt ond be uf nelson gfloge. Dae strand esch scho wahnsennig schoen, aber e de letschte paar taeg eschs emmer bewoeukt gse, ond drom moeit ier ned z fescht ifersoechtig si, woeu ech ez meh deheime hocke.
Abel Tasman Nationalpark
Met minere ex-gaschtschwoeschter ond met erne verwandte han ech e tagesusflog zom Abel Tasman Nationalpark gmacht. Mier si zwar nor so a de graenze gse, aber ou det eschs riesig schoen.
Kaiteriteri Beach
Dae nationalpark esch ou beruehmt foer die goudige straend… ha de ou no schnoeu usegfonde werom.
I de letschte paar taeg ben ech de meh e chli omeghocket ond ha verschedeni sache usprobiert zom d laengwiil chli z vertriibe. mues ja ehrlech zuegaeh, be ja scho chli es chend. ha scho emmer chli e schwaechi foer so sache gha. 
Ez werds no ganz aktuell.
Hoet ben ech met de nelson christmas carol band (wies de name scho seit) ga wiehnachtslieder spele. Esch no ganz loschtig gse. mier si eifach ufne “laschtwage” ghocket ond si doer ganz nelson tuckeret ond hei au 300 meter aghaute ond chli gschpoeut. Es paar vo de band hei de die ganz ziit met de kasseli muesse em zueg omesprenge. Insgesamt hei mier oeppe 8mau ‘ jingle bells’ ond oeppe 10 mau ‘rudolph the rentier’ gschpoeut.
Das ganze het oeppe 2 stond duret ond woeu ech mech scho fascht noemme cha erennere
wenn ech z cornet z letscht mau foeregnoh ha, ben ech scho nach 10 minute fascht gschtorbe. Ha mech aber trotzdaem guet amuesiert, vor auem wen mi basskolleg (wohne drom met daem) grad onderem ne boum glandet esch.
… ond schlossaendlech eschs z nacht am viertu ab eis, ond ech be so froh, esch dae biitrag fertig. (choeit ne ja met es paar kommentaer woerdige )
Aune ganz schoeni wiehnachte! (ha da haut e chli american style )
PS: Ganz schoens headerboeud! komplimaent. aeschlismatt het haut scho no so style.
14. December 2005 um 15:38
Hey Sarah, dass gsehd jo werklich ned schlächt us!!! Aber es esch secher e chli komisch, dass mer a Wiehnachte met Flipflops ond T-shirt cha omelaufe - oder ned?
Ond säg mol: du besch emu ned im Ärnst go bungee jumping mache, oder öpe doch?!
Ah jo, no es Komplemänt! Dini Föteli (bsonders die vom Nationalpark) send super!!! Ich ha au freud gha a dim Biitrag! Dini Arbet hed sich glohnt!!!;-)
Liebs Grüessli vo dim Cousindli:-)
14. December 2005 um 16:41
säri ich bi stouz uf dich!letscht jahr hemer nedemau chöne im exel öpis usrächne und itz schribsch du scho ganz elei dere biiträg mit fotis!suuuper;-)
woooooooow das gset so schön us bi dier!wett ou lieber schöni stränd und sunne, aus dä blöd schnee!bi nämli hässig uf de schnee=) dä hetmer s ganze board verchratzet.einisch gfahre und scho musses i service.hät gloub de steine chli söue uswiche….jäno
hei weisch was?defür isch d päscele zrug und chunt üs id schuel cho bsueche!jupiiiiii simer scho wieder z vierte!hi und gli weder z sächste plus jimmy!soo auso liebi grüessli vom römeli
14. December 2005 um 20:22
hy sarah
ich schrib etz ou wider mau öpis und wett dier auso ou es komplimänt mache für dä Bitrag! D Böuder si wirklich idrücklech! Aber es näm mi ja scho wunder, was ihr i öiem feriehuus so agschtöut heit!
Schöni Wienachte und es guets nöis!
Lg Mänu
14. December 2005 um 21:34
Hallo Sarah
Hey, das ist ja ein Super-Beitrag. Ganz schön daran ist, dass es nur schon einige Zeit dauerte, bis ich das alles gelesen und die vielen Bilder angeschaut hatte. Danke, danke, danke!!! Weisst du, jetzt, wo du so lange herumreist, mache ich mir zwischendurch schon auch mal Sorgen um dich. Und wenn ich es gar nicht mehr aushalte, schreibe ich dir ein SMS. Ja, und dann kommt ganz unverhofft so ein Beitrag - Balsam für mein Mutterherz: denn was kann ich mir für dich mehr wünschen als viele gute Begegnungen und eine Fülle von Eindrücken von Neuseelands fantastischer Landschaft.
Ich wünsche dir für morgen so richtig heisses Strandwetter in Nelson und am Freitag eine gute Ãœberfahrt auf die Nordinsel. Bin in Gedanken fest mit dir auf Reisen, sogar in meinen Träumen. Letzte Nacht haben wir dich zum Flugplatz begleitet und du bist mit einem Kleinflugzeug nach Amerika geflogen - so ein Quatsch! Wie du weisst, träume ich manchmal ja noch Dümmeres…
15. December 2005 um 4:26
@jael: Ja, ha eigentlech ned so wiehnachtsstemmig gha, aber nachdaem oeberau chreschtbaeum gsesch ond di ganz ziit wiehnachslieder loufe ben ech glich no id stemmig cho. spaetichtens nachdaene 1000 wiehnachtslieder vo geschter abe.
nei, be aebe ned ga bungee gompe obwou si mi scho no chli greiz het, aber du weisch ja wie die muetere si. ;-D
@rome: ond ech ha probiert i de paescele azluete.
seisch uf au faeu liebi gruess ond voeu spass bem Wiehnachtsaesse (wenns eis get). Naechscht jahr choei mer de weder komplett ufmrschiere. (aber bitte noemme chinesisch… 
)
Besch secher das es de schnee gse esch, wo z board gschlesse het? haha wie loufts afe so met de jongugger? Besch emmer no schmenkchefin (oder aemu so oeppis aehndlechs)?
@maenu: danke tuusig. Tja, mier hei scho no es so nes paar idee gha. Zom bischpoeu si mer z nacht zom nachbars gaerli e chliine chreschtboum ga mogge (het ganz voeu gha), hei aber de muesse feschtstoeue, dass mer gar ke chreschtboumschmock gha hei ond ou ke vase, drom hei de haut e champagner-flaesche ond uesi ohrereng ond armchetteli muesse haereha.
ond das esch meh e harmlosi gschecht…
@mama: Das wetter war heute nicht so schlecht wie gestern, aber immer noch ziemlich bewoelkt. Ausserdem bin ich jetzt sowieso froh, dass ich wieder nach Hause gehe, habe ein bisschen genug vom reisen. Alos wenn morgen alles klappt werde ich mit dem Bus von Nelson nach Picton reisen und dort mit der Faehre nach Wellington fahren. Dort werde ich bei der Schwester meiner Gastmutter uebernachten und dann endlich zurueck zo meinem geliebten Havlock fahren.
Bin mir ja schon gewoehnt, dass du manchmal ein bisschen komisches zeug traeumst, aber Amerika wuerde mir schon noch so gefallen… haha
15. December 2005 um 4:36
@ ROME: DU BESCH OU NO E FRAECHI. ECH BE DOCH NED VOUE AM NE MAENTIG MORGE!!!!
16. December 2005 um 17:08
Hallo Sarah
Ganz herzliche Dank för dini tolle Brecht. Du erlerbsch jo allerhand interessants. Guet hesch du dies Cornet bieder ond fendsch so guete Kontakte zu Lüt mit gliche musikalische Intereesse. Danke för die schön Foti vo dier zor bevorstehende Wienacht. Mer dänked ganz fescht a dech ond wönsch dier natürlich au alles gueti und freuet ues öber witere Brecht us de “Antipode”. Es guets neuis ond härzlechi grüess us aemme