Bla.. bla.. bla
Kino
nor so ne chliine roeckbleck, was ech so i de letschte paar taeg gmacht ha, nachdaem ech mech haubwaegs vom lager erhout ha.
am samschtig abe ben ech met mine gaschtschwoeschtere ond es paar kolleginne zom ne open-air kino. met au dene liechter em hendergrond eschs riesig schoen gse.
ja ech weis, z foti esch ned so de absoluti hammer… 
Geburtstag
de hei mier de april (kollegin vo de sharon us kanada) ere 30. gebortstag gfiret.
schriibe ez ned haere, wie aui heisse, koennit si ja sowiso ned.
Ausflug 1
eisch semmer no a ne schoene wasser- fau gfahre. esch nor e viertu- schtond ewaeg gse. ha gar ned gwoesst, dass es da so voeu zueg get zom aluege.
Surfen
hoet han ech de ou aendlech d glaegeheit gha, chli ga z surfe! yuhuu. mier hei zwar oeppe de wueschtischt ond wendigscht tag vom jahr verwoetscht, aber chaisch haut ned aues ha. mech hets scho fascht devogwendet, won ech nor met em braett dete gschtande be. nach oeppe 2 stond, oeppe 5 liter sauzwasser ond enere buehle am chopf si mier de ganz erschoepft heigfahre. das toent ez so, wies mier ned gfaue haet. esch aber fausch, ha e huere schissfroeid gha, ond ech hoffe, gli weder z gah. velech de met e chli sunne.
Ausflug 2
oeppis won ech da no voeu mache wen ech grad nuet z tue ha, esch met oepperem uf uese husbaerg (te mata peak) uezcruise ond e chli d landschaft z gniesse. eisch ben ech sogar uegloufe. *potz* het oeppe 3 schtond brucht, esch devoer ou chli schoener waetter gse aus uf daem boeud.
Ond: happy birthday agnes!!!
6. February 2006 um 7:45
liebi sarah,
dier geits ou guet! danke för de brecht met de vele schöne fotene. wüsche dier witerhi so schpannendi täg. gniess di letschti schueufrei wuche ond bhüet di gott!
6. February 2006 um 12:09
Hallo Sarah
Ich freue mich für dich, dass du e so gueti tolli Zyt in Neuseeland erläbe chasch. Ich wünsche dir en ganz guete Schuelstart. Dini Bricht sind sehr spannend und bereichernd. Du verpascht im Moment nöd viel i de Schwyz user Nebel und grusig chalt und den no natürlech gli d’ Luzernerfasnacht. Wohnsch du jetzt eigentlich nöcher vom Meer? Hebs guet witerhin und bhüti di gott.
Gaby
6. February 2006 um 15:01
zali schwo
du, ez mau em ärnscht. besch du met däm täil ga surfe? esch das ned chli groos? mier chöi ja de d barble, üsi surfexpertin fräge. esch ja scho chli fiis, dass du i dim warme meer met emne azog geisch ga surfe ond ech im mim ischaute meer mues met badhose dri
meet wäm besch eigentlech ga surfe?
ond ez no zomene andere thema. ier nöiseeländer heit scho chline schade. zersch wonsch ide “te mata road” ond ez näbem “te mata peak”. chonsch mer de weder gsond hei, gäu. (uf spanisch “te mata” = “es brengt di om”)
mier säge schliesslech de beichle ou ned “es brengt di om bärg”
6. February 2006 um 18:46
Hoi Sarah!
nei,es se werklech huere schöni böuder ond ou emmer sehr enteressanti brecht!
dä brecht ond die fotene vermettle de idrock,as wördisch du e hammer ziit ds nöiseeland erläbe!schön för dech!ehrlech gseit,beni fascht chli nidisch
hei,ech cha imfau stouz säge, dass ech bereits letscht woche ou scho mau d sonne so rechtig ha chönne gniesse, ou wenns emmer no relativ chaut esch:)
hoffentlech wersch no vöu cooli sache erläbe,wo du nacher üs chasch brechte devo.
glg ond machs guet!mäne
6. February 2006 um 19:46
@jimbo: ja hesch ja raecht, z bord esch scho chli es monschter, ond ou ned woerklech eifach drom druf z lehre, aber aebe. z loeschtigschts esch voraum gse, das wenn ech z bord versuecht ha am strand entlang z traege, ben ech werklech maengisch noemme voersi cho, woeus soooooooo fescht gwendet het. ond eisch hets mer z braett e chli om d ohre gschlage ond ez han ech e riisigei buehle.
esch glich de hammer gse. Mier si meteme surferkolleg vo de judith det haere. hehe, esch werklech no warm gse met daem azog!!!
De temata hoger esch ou chli gfaehrlech zom uefahre. D strass esch so schmau das letscht mau eini gmeint het, sig einbahn ond zmettzt i de schtrass gfahre esch. *uiiiii* da heisst eigentlech no voeu TeMata, aber ech be zemlech secher, das das vo maori chonnt ond secher nuet so schlemms heisst-hoffentlech.
Ga ez foer 3 taeg iz abschlossklasslager. weis no ned oeb ech mech soeug froeie, aber s werd secher guet. hesch mis wiehnachtspaeckli eisch oebercho?
7. February 2006 um 20:29
Liebe Sarah
Deine guten Berichte, die schönen Fotos machen mir Freude. Ich spüre- dass es dir gut geht! Und für den Schulbeginn wünsche ich dir viel Erfolg und nette Mitschüler/innen für den restlichen Aufenthalt.
Hab es gut- und lieben Gruss…Grossmama
8. February 2006 um 20:50
hey säräääli! hesch wahrschindlich e gwautigi büühle bi däm teil
aber es het sicher ou vorteil. bimene hai agriff hättsch ziemlich gueti chance dass er nur s brett verwütscht 
aber mit s romäs “i can see clearly now” chani nid mithaute!
neinei.. ah ja i bi de eue fän bi euere wäuttournee mitem cornet. i cha imfau “mier senne heis luschtig” spiele:D das cha der ja de ou bibringe.
auso! uf baud, liebi grüess
9. February 2006 um 7:54
hey barble: esch ez cornettle de noeii trend? ;-P hey das esch ja waeutklass, cha fascht ned warte bes ech “mier senne heis loschtig” zo mim repertoir cha zuefuege.
wenn no chli uebsch ond de chaisch “i can see clearly now” spele, darfsch sogar met uf d waeuttournee cho, gaeu rome? em schlemmschte fau chaisch dini arbet ou uf de ticketverchouf iigraenze. ;-P
9. February 2006 um 16:44
ja s barbi cha de ticketvechouf organiesiere und aus vorband ufträtte:)und d i kreischende teeni-fans abwimmle..
9. February 2006 um 21:33
i fühle mi geehrt us vorband ufzträtte chönne.. und während ihr spielti gah ich i VIP room und isse s ganze büfee! aah i freu mi itz scho uf das läbe.. ah weisch wasi ou no cha ufem cornett “in the shadows” vo the rasmus!
hey i gloube i ha de meh fäns aus ihr. und wenn d fäns de nur mis “mier senne heis luschtig” ghört hei, die schmäuze grad derhi. de dörfit ihr de när us mini vorband ufträtte! 
nenei.. i wär ja de so soziau und mer chönnte fusioniere!