swimming sports
Am Friitig hei mier es wiiters Huus-event gha: swimming sports. Aui 1300 schoeuer si scho am fruehe morge zom lokale schwoemmbad gange. Jedes Huus het sini plakat ufghaenkt, ond mer het sech ou e de entspraechende huusfarb agleit. Z ziil esch eifach gse, gaeub/blau/rot oder orangsch uszgseh, es esch oeberhoupt ned drufab cho, wie mer das haerebronge het. 
Drom hets de ou no es paar ganz amuesanti verchleidige gha. 
De eschs de aber zom aernschtere toeu wiitergange, zom eigentleche wettkampf. Jedes huus het die beschte schwemmer vo jedere stufe usgsuecht ond de eschs vou hert uf hert gange.
Tainui (gaeub) het das ganze haut ned so wahnsennig aernscht gno ond esch drom de chli i roeckstand grate. Wenigschtens hei uesi manne ned aui speedos agha… 
Het aber ou no es paar anderi wettkaempf gha. zom bischpoeu wie mer 150 schoeuer am schnoeuschte vo einere site vom schwoemmbad zo de andere site brengt.
Da z kauri huus (wo mini gaschtschwoeschter debii esch).
26. February 2006 um 9:26
Liebi Sarah
scho no schpeziell: verusse schneits, und du zeigsch üs summerböuder. schön, hesch weder gschrebe. das weblog esch eifach scho e gueti sach - ech mues das itz eisch ganz öffentlech säge. riisigs komplimänt ond tuusig dank am admin, wo so hert för die sach hed müesse kämpfe.
ech wünsch der no vöu so gueti erläbnis i de schou! ganz liebi grüess
mama
26. February 2006 um 23:13
esch dä ander wettkampf gse, dass die 150 schöuer dürs schwemmbad hei müsse schwemme? heit er überhoupt gwonne? nemes ned a, süscht häts dis ego scho änegschrebe. mer mues ou zu de nederlage schtah!
27. February 2006 um 12:33
hey sarah!
fende das super, dass ier so huuswettkaempf heit. das macht d’schuel doch spannend!
esch werklech komisch, bi dier esches etz warm ond sonnig ond mier hocke da im nebel ond es esch chaut. ech cha sogar vom college us schnee gse, ond das z’wales!!
naja, aber ga die naechscht woche chli id ferie uf portugal, hoffe es sig de chli warm det! mier goei met em chor uf tournee.
auso machs witerhin guet ond ech hoffe ier gwinnit de huuspokal
liebe gruess, pascale
27. February 2006 um 20:11
@jimmy: danke foers paeckli. ha bsonders froeid a de blueme, die errenneret mech tip top a dech.
Mech verpotzts jedes mau weder wenn ech d musig lose. (mech nemmts ja no wonder oeb ech das je eisch noemme loschtig fende.)
Ja schwemme esch scho no e vortoeu. ;-P muesch d schoeuer eifach em wasser ha. haetsch no anderi idee was wie mer choennt a die anderi siite cho, ohni schwemme?
Ja, ja ha ja scho gseit mier sege i roeckstand cho… wenns du ombedengt wotsch ghoere: mier hei huushoech verlore.
@pascale:wart no es paar moenet, de heit ier de schoen warm ond ech be am fruehre. (froeie mech gar ned druf)
Das esch ja huere geniau das du uf portugal chaisch, hoffe s sig schoen warm (esch ha haut glich emmer no wenter) ond gniess es!!!glg
27. February 2006 um 21:50
hei paescele, han ich gar nid gwoest, schrib weder eisch es mail, weiss ja gar nueme
ich be iz grad vode ferie hei cho, chaut chaut chaut aber ou cool, be zwe taeg zaengland gsi und soescht zlille, im norde, saerleh, gniess das warme schoene waetter, haetts doch ou noetig, kuessli a aui
6. January 2012 um 16:15
… [Trackback]
[…] Find More Informations here: meierb.info/wordpress/archives/2006/02/26/swimming-sports-3/ […]