duathlon
Mer woerds gar ned daenke, aber letschte Samschtig han ech sogar met de Alice e Duathlon z Taupo gmacht. Mier si scho am Friitig nach em Schwoemme uf Taupo gfahre ond hei uesi Velo abglade. Nachaer si mer so rechtig fett ga aesse (mer brucht ja schliesslech voeu Energie am naechtschte Tag) 
Ja, ond am Morge am 9ni eschs de sowiit gse, ond mier hei ues froesch froehlech iz Renne gschtoerzt met dene ca. 550 anderne Froue. Das es aber ned so zfescht es Masserenne worde esch, hei si i 10 ‘Waeue’ gschtartet, wo oeppe je e Minute usenand gse si. Woeu ech i de 9te Waeue gse be, han ech z Faeud schoen vo hende choenne ufroue. *ploeff, ploeff*
Ja, be tip top foersi cho, bes ech de ha muesse uf z Velo waechsle. Z tomme esch aebe gse, das ech es ultimativs Mountain Bike gha ha, obwouh s es Schtrasserenne gse esch. (chaisch haut ned aus ha) Aber das esch ned z einzige Problem gse. Ech ha scho daenkt, das mis Velo e chli komisch toent ond das es chli straeng zom traette sig, aber ha ned woeue abem Velo schtige, woeu ech sowiso ned usegfonde haet, was fausch waer.
Tja, nach em Renne han ech de doch no usegfonde, das bem Henderrad d Braemschloetz droffe gse si. Okay, gebes ja zue, esch ned so inteliigaent gse vo mier, ond s esch scho zemlech fruschtrierend gse, wo aui met erne Rennvelo a mier verbii dueset si.
Uf jede Fau hei mier nach em Velofahre weder DOERFE sprenge, ond das het mech de weder chli ufgmonteret.
W on ech de am Ziel acho be, het mech oeppis anders aber sofort weder ines Toeif versetzt. Erschtens esch ploetzlech e Lehrer vo de Schou dete gse, ond zwoeitens, woeu d Alice em Schpitau gse esch, woeu si zaemebroche esch.
Si esch ez aemu weder gsond ond monter, ond ues het das ganze sehr guet gfaue!
Ond zor Erholig si mier de am Namitag no i ne Spa-Pool en Taupo ond hei das tropische Palme-Feeling gnosse.
1. March 2006 um 8:01
Hallo Sarah,
Da hast du ja den Vogel abgeschossen mit den Bremsklötzen! Ich hätte wahrscheinlich ähnlich reagiert wie du, ich wäre auch nicht abgestiegen, hätte mich aber wie blöd geärgert, dass irgendwas mit dem Velo nicht stimmt. Hey, und natürlich ganz herzliche Gratulation zum sportlichen Erfolg, find ich cool. Und auch gut, dass es deiner Kollegin wieder bessser geht.
En liebe Gruess, Fränzi
1. March 2006 um 11:34
Hoi Sarah
ja,mier wärs äuwä genau glich gange metem velo.hätt mi äuwä zersch gärgeret ond nacher hätti nor no chönne ab mier lache….zom glöck geits de alice etz weder guet!
ganz ehrlech moss ech säge:Hut ab vor dinere leistig!Mech hätte wahrschinlech keni 10 ross a dä duathlon bronge:-) hei,bi üs schneits die ganz ziit ond es het scho weder es paar cm schnee verosse.dromm beni fascht chli nidisch, wenn ech das hammer wätter gseh, wo bi dier esch!:-)aber ech gniesse de schnee glich!
machs guet ond liebe gruess, mäne
1. March 2006 um 20:51
du hesch mech met däm duathlon ja ou ganz fescht beidruckt. aber hesch dine trainingsplan werklech ighaute? aso ech ha vo anderne quelle erfahre, dass das ned emmer de fau gse esch. esch ja glich, ech hätts wahrschenlech ou ned gmacht.
aber wäg dere sach met em velo mues di scho no chli uslache. ech hätt das ganz secher ned so gmacht wie du. dä defekt wär secher zemlech eifach zom behebe gse. aber esch ja glich. defür hesch me kalorie töt. ond de spass steit ja em vordergrund. (esch ja scho huere loschtig met azogner bräms velozfahre)
9. March 2006 um 22:15
nüme nüt! du hesch irgendwie chli päch mit velos… aso das mit de bräms isch ja scho ziemlich luschtig!
und i cha mi no erinnere wo letscht jahr mau nach dem mitem jimmy bisch gsi gah bike, ziemlich ufgschürft gsi bisch! drum chani no verstah dass s velofahre nid grad dini disziplin gsi isch 
aber hey, tip top gmeischteret!!
i cha ja de öpe gli auto fahre wenn du heichunnsch (hoffi jedefaus!!), de fahri de mit azogniger handbräms ume 
und mer göih gah cruise!
drfür hesch glück mitem wätter..!
auso säribäri, pass uf di uf… und nid zvöu velo fahre
schmatz
10. March 2006 um 5:13
@barble: ah ja ez chonnt mer das met em jimmy weder i senn. Mech hets eifach vou oeberz velo ufe latz gruert ond be bluetoeberstroemt (liecht oebertrebe
) zom jimmy gfahre ond de einzig kommentar wo dae gmacht het esch gse: “gang di ga waesche”. (gaeu jimmy!!!) Ja ech gloube s esch no ganz guet das ech ned cha outofahre, scho d velo si mier technisch e chli z hoechschtehend. muesch der das eisch vorstoeue wien ech woerd es auto fahre. 
auso, woensche dier aemu voeu gloeck wenn de d pruefig machsch. (d nothaeufer hesch aemu scho bestande… ;-D )
10. March 2006 um 17:14
Hallo Sarah
Ich lese deine Berichte mit grossem Interesse. Du erlebst ja die tollsten Sachen und treibst auch noch wettkampfmässig Sport !(Duatlon). Die Bilder, die du uns übermittelst, sind hervorragend und geben luns einen Einblick in deinen Alltag. Unsere Ferien in Sörenberg gehören auch wieder der Vergangenheit an und wir haben uns iln Emmenbrücke gut eingelebt. Am Sonntag, den 19. März 2006 haben wir mit unsern “Vielharmonikern” ein Konzert in der Bruder Klauskirche hier in Emmen. Ich wünsche dir weiterhin alles Gute, eine erlebnisreiche Zeit. Liebe Grüsse
Grosspapa
10. March 2006 um 17:30
@sarah: aus besorgte brüeder hanech dänk wöue, dass sech die töifi fleischwonde ned duet entzünde, nome drom hanech gseit, du söusch dech ga wäsche