Comments on: Von Concepcion nach Coyhaique

Comment on Von Concepcion nach Coyhaique by: Ueli

Wed, 08 Mar 2006 00:45:37 +0000

hey simon
schoens prechtli hesch do gschrebe! ech be im momaent au grad dra oeppis foer mini homepage z schriibe.
weder id schuel z go hed mi schoen agschesse aber fell mosi jo gliich ned mache osser eifach dete si besch ez eigentlech im 3o medio?
mis natel hends leider ned choenne repariere (hani scho daenkt, aber s hed mi schoen ufgregt!) ond waegi oeberhaupt ke versecherig gha ha hani ez es nois moesse chaufe die noi nomere esch 91238470, velecht chaschsi jo mol bruuche fals dis natel zom laufe brengsch
liebe gruess ond fell schpass ide schuel

@sarah: danke foer d gruess, der au eine
@mänu: kenn di zwar ned, aber glich hoi hehe mer hend de of de reis uusschluesslech schwizerduetsch gredet, ech jedefalls has scho chli vermesst i miner wonderhoebsche mueterschproch z schnoere

Comment on Von Concepcion nach Coyhaique by: Sarah

Mon, 06 Mar 2006 20:16:04 +0000

halllo jimbo,
ech merke aube gar ned wenn du e noeie brecht schriibsch, s toent aues so glich!!! tja… liit wahrschendlech a mier. Hei, ech due ez dis wiehnachtsgschaenkli chli ominstalliere ond versueches de noeisch z schecke. ha ez haut de originell teil muesse usenaeh woeu die das a de chilenische graenze offebar ned so loschtig gfonde hei.
wenn geisch du hei? wotsch mech uf em heiwaeg no cho bsueche? ha letscht nacht troeimt du segsch mech cho bsueche met de toene ond ier sigit emmer verlore gange ond ech ha oeich muesse ga sueche.
eschs emmer no sommer be dier. Be mier werds maengisch afe rechtig chaut. Letscht woche esch nor no oeppe 17 Grad gse. *brrrrrr*
Auso, machits guet ond hab sorg!!!
p.s. gruess em ueli

@maenu: ja foer ne guggemusig waer ech em momaent gloub super. D band da het aber ned e so froeid. D band prob esch naemlech so zemlech z einzige mau i de woche won ech z instrumaent foereneme.

Comment on Von Concepcion nach Coyhaique by: Mäni vom 3Ka

Mon, 06 Mar 2006 20:13:48 +0000

Hei Jimmy
Das esch e huere coole brecht!die landschaft, die böuder se eifach hammer!esch huere cool,au die reise wo du chasch erläbe…..hoffe,du chasch no vöu so cooli reise erläbe.met aune vor-ond nahtöu…
lg usem chaute äntlibuech mäne
PS:wenns di interessiert,mer hei imfau morn de skitag uf de marbachegg:-)

Comment on Von Concepcion nach Coyhaique by: Mänu

Mon, 06 Mar 2006 20:02:24 +0000

Hallo Jimmy

ich mäude mich etz ou wider mau, nachdäm i d Fasnacht guet überstande ha. Es schneit da grad wie verruckt, obwou ja d Fasnacht eigentlich die böse Wintergeischter hätt söue vertribe! Wahrschinlech heimer zwenig lut gspöut! Drum wär verstärkig nid schlächt, gäu Sarah!!!

Redisch du mitem Ueli eigenlich aube Spanisch oder Dütsch?

Witerhin vöu Spass

Gruess Mänu