Auckland
Hey. Da no e chlini zaemefassig vo mim ufenthaut z auckland. (esch oeppe vor 2 woche gse - won ech no ferie gha ha… 
)
Auso, ech be met minere Gaschtfameli (mini Gaschtoeutere, d Rebekah wo a de uni z auckland optikerin studiert ond met de judith) am zischtig morge losgfahre. Ech weiss ou noemme so genau, wie lang mier gfahre si, aber uf jede Fau eschs scho baud donku gse, wo mier i dere Grossstadt (aemu foer mech 
) acho si.
Uf de Fahrt hei mier no es paar stops gmacht om d ussecht e chli z gniesse. D judith ond ech hei vor auem aube froeid am tommi foeteli z mache.
Auckland esch di groesscht stadt z neuseeland ond es laebe ca. e million luet det. Z erschte wo mer aber so rechtig wahrnemmt esch de skytower. S esch z hoechschte gebaeude uf de suedleche hemisphaere (gloubes aemu). ond i de nacht esch dae so schoen blau beluechtet.
Die erschte 2 Taeg si mier vor auem ga d uni ond d hostels aluege woeu d judith naechscht jahr a die uni geit. Naebebii hei mier d ziit vertrebe met shopping, kino, salsa tanze ond fein (ond vorauem voeu) aesse. Mier hei sozaege ds ‘big city life’ i voue zoeg gnosse.
Wenn mier gar noemme hei moege, hei mier ues em hotel chli erhout ond maengisch han ech mech sogar choenne oeberwende ond be i fitnessrum gange.
Da esch d ussecht vom Hotel (26.stock) 
De hei mier no uese kolleg troffe, wo choerzlech vo havelock nach auckland zoeglet esch, ond met ehm si mier de chli ome cruised ond si ou no es canoe polo speli vo uesne kollege ga luege.
Canoe Polo esch no so cool, has letscht semeschter em torne ou saeuber usprobiert, s problem esch nor, wenn d gaegner so agressiv toei onds di met em kayak omchert - de hani aube noemme so froeid gha.
Be de aber ou froh gse, wo mer weder hei si, woeu voeu meh haet mis portmone sowiso noemme usghaute.
Ez muess ech aber iz bett, woeu am samschtig eschs so wiit - ech ga a mine erschti ball, juhui. Ha mine schoenheitsschlaf aebe scho noetig.
Das ganze faht am namitag am vieri a ond wenn mer gloeck het chonnt mer oeppe am morge am 5i hei.
Auso, bliibit dra, s werd spannend. (aemu foer mech)
4. May 2006 um 17:41
Ja, di 2 Woche send mier wi 4 vorcho. Gets e Webcam i dere Schuo, de chönt mer e chli spioniere. Aber uf die Idee chont warschiinlech söscht niemer
. De chas am 5i de no chorz telifoniere 
5. May 2006 um 0:06
Hei Sarah, was du auch so alles erlebst - Wahnsinn…
Ich wünsche dir eine wunderschöne Ballnacht. Du wirst sie wohl dein Leben lang nicht vergessen. Und dann bin ich ja sehr gespannt auf Fotos von dir “in voller Montur”. Ganz liebi Grüess und bhüet di Gott
Mama
5. May 2006 um 13:24
hey särläh! hesch ez diis passende ballchleid!?
verratisch üs scho, wies usgseht? *wundernehm* =)
5. May 2006 um 15:34
Hallo Ballfrau
Ich wünsche dir einen unvergesslichen Abend mit unvergesslichen und fröhlichen Begegnungen. Es mutet einfach sehr romantisch an und gerne wäre ich ganz in der Nähe als Fliege dabei. Ich freue mich über Fotos dieses Events.
Geniesse es, das gehört zur Jugend. Bin gespannt, wie du dich im tollen Kleid “machst”.
Und wieder sendest du tolle Bilder von einer mir unbekannten Welt. ich staune nur und kann kaum glauben, dass du soviel interessantes zu sehen bekommst und ebenso viele Gegensätze siehst. Geniesse den letzten Monat in der Wärme und mit dem Wissen, dass diese Spezielle Zeit ein Ende hat. Die wirst diese nie vergessen. Liebe Grüsse Helen
5. May 2006 um 16:38
hallo sarah
ech hoffe du wersch e wunderschoene ball erlaebe……aber mach de ned die gliche fehler wo die froue i dene american-highschool-movies emmer mache!
waer esch oeberhoupt dis date?
esch das de ball foer d’abschlussklass?
…schloss met frage, gniess de ball ond de chasch ja de nachher e bricht schriibe oder so, ech gloube es werd aui interessiere!
liebi gruess ond e dicke schmatz
5. May 2006 um 20:14
ja hey särleh das nimmt mi aso ou wunder
vor auem s chleid und s date.. bi scho sehr gspannt ufe bricht. i wett ou mau sone ball erläbe.. aber ar kanti? hm..chönnt mer gar nid vorstöue. luschtig wärs uf jede fau. aber üsi klassefäscht si ou fasch so öpis wie ne ball 
fasch…. hehe
vöu vergnüege uf jede fall.. a dim ball
-ps: chum wieder mau unfallfrei die nächscht tragödie.. ha mer s band am zeigefinge so haub grisse und itz muessi de dummi psychoschine alegge… 3-6 wuche
schisst mi aso schön ah.. hani no müesse brichte..hehe!
6. May 2006 um 8:08
@Pascale: Wele Fähler mached die Highschool-Girls jetz ou scho weder?
Mag mi nömme so erinnere 
10. May 2006 um 1:01
salsa tanze? gäu das esch de hammer!
10. May 2006 um 7:52
z salsa tanze a sech esch ja scho cool, aber wenn de met so gruusige, schweisige fette 50 jaehrige gleoschtler muesch tanze geit de d froeid schnoeu verbii.
Ha grad es tschuttigame gha, esch vou de hammer gse. Hemmer grad 7:0 potzt!!! Yeah ya.
10. May 2006 um 17:54
be stouz uf dech!