BALL BALL BALL BALL BALL BALL BALL
auso, aendlech choeme die boeuder vom Lindisfarne Boys High school ball!! Esch geniau gse ond so nach 13 stond han ech afe mini fuess fascht noemme gschpoert… aber ech fah ez vo vore afa verzoeue.
Auso ech ha oeppe am vieri muesse parat si foer de ‘pre-ball’. Ha drom oeppe uf di zwoei es paar kolleginne iglade om mier z haeufe met make up ond hairstyle ond ond ond…
Di eint kollegin het nor scho oeppe e stond brucht, bes si mini Fengernegu schoen agmalet gha het. Het devoer ou werklech cool usgseh met moeschterli ond so. 
D frisur ond z make up si de aber schnoeuer gange ond am 4i ben ech de ou scho fascht parat gsi.
Nacher esch afe mau foto ziit gse. *smile*
nachaer eschs los gange zom ‘pre-ball’ bem ne kolleg. Det si d oeutere ome gse ond mier hei weder fotene gmacht. *smile gfruehrt ii*
ja barble, mues es ja zuegaeh, mis date esch scho ned so de hammer gse, aber zom gloeck hets ja ou no anderi ome gha. 
De eschs aendlech los gange i nere wiisse limousine. Ha aebe leider kes foti vo osse, aber s het mer scho no so gfaue. so met champagner, musig, telefon, boeudscherm…
Wo mer be de schou acho si, hei mier weder muesse gfoetelet waerde met uesem parter. *laengwiiil… really fake smile*
Wo ech das nachaer oeberstande ha, si aui i di gross haue ond det hets znacht gaeh. Esch sehr fein gse ond ech ha mech chli gfraegt ab au dene girls wo eifach chli met de gable em aesse omegschtocheret hei. (wie das ez no oeppis woerd foerd figur noetze… auso werklech)
oeppe am 8i si mier de met verschedene bues zom eigentleche venue gfahre. Det si mier uf eme rote teppech zwoesche palme iegloffe ond si vom prinzipal ond em headboy begruesst worde.
De eschs aendlech zom formale tanze cho. Das het mier fascht am beschte gfaue vom ganze abe. (ossert wenn der de tanzpartner di ganz ziit ufd fuess schteit.) aber mier hei emmer parter gwaechslet drom eschs no guet gse zom es paar noeie luet koenne z lehre.
Nach daem eschs einisch meh drom gange Foeteli z mache. Dasmau in groppe met kolleginne. *ha ez gnueg gsmilet foer di ganz woche*
das esch aber de ou z letsche mau gse ond mier hei ues vou de live band gwedmet.
Am haubi 12i si mier de weder uf e bus ond si zom gheime ‘after-ball venue’ gfahre. Det esch de d party so rechtig los gange ond mier hei bes am haubi vieri tanzet.
De hei si eifach vou fiis z liecht azoent ond mier si weder uf d bues ond si am viertu ab vieri vor de huustoer abglade worde.
Esch geniau gse.
Was mer chli weniger gfaue het esch z zwe e haub schtoendige konzaert met de brass band gse. Chli meh aus vier stond schlaf waere scho ke seich gse ond ech be nach de erschte haubziit scho fascht gschtorbe!
Froeie mech scho uf de naechscht ball.
8. May 2006 um 8:32
Das esch jo es Superchleid, wo d’Gotte mitgschponsered het. Glänzt dä Stoff emmer a de rechtige Stelle?
8. May 2006 um 8:44
@papa: auso mier het mine tetu zom biitrag scho voeu besser gfaue.
8. May 2006 um 12:17
@sarah: OK, e Kompromess
8. May 2006 um 14:02
Hallo traumfrau
das cheid esch ja supergenial: de schtoff, d farb, de schnett, und natürlech d frou drenenne. ond ufem rote teppich bewegsch di ja mannequinmässig guet, und das met settige schue - gsehd ächt super us!
hesch eigentlech nach üsem telefon gli wider chönne ischlafe? ha mi no de ganz tag gärgeret, dass mer dech gweckt hei. hoffe, du chönsch dech di kommendi nacht chli erhole.
liebschti grüess vo de mama
8. May 2006 um 17:50
hei särle
wow,ächt hammer dis chleid, dini frisur, d schue….eifach aues!!!da wörde es paar hollywood-stars grad chli schlächt näbe dier usgseh;-)
wönschter aues gueti ond e tüüfe, gsonde schlaf…glg mäne
8. May 2006 um 18:40
huihuihui sarah
das isch ja vou geniau. cha mi nur em vordere bitrag aschliesse. da wärde aui manne nach däm ball vo dier tröimt ha 
ghörsch ja scho zu de hot society! .. und zu dire begleitig, so schlächt isch ja dä nid..wenn mer die andere aluegt hesch ömu nid sone schlächte zoge. hehe! 
ganz liebi grüess
8. May 2006 um 21:34
Hey Sarah,
Du besch werklich en schöni met dim grüene Chleid! Ich fende du hesch die schönsti Farb wos get usgläse! Be scho chli stolz uf mis höbsche Cousindli
Ich hoffe fest, dass du gnueg hesch chöne noche schlofe!!
Heb der Sorg ond en gueti Ziit! Liebs Grüessli Jael
8. May 2006 um 22:21
danke tuusiig.
@mama: ja be oeppe am 12i weder iigschlafe, aber esch scho guet, ha ja gaern chli ploeiderlet. haett mech eifach gfroeit uf ne sone 13 stonde schlaf aber ech chas ja de es anders mau weder versueche.
@papa: scho besser
8. May 2006 um 22:53
Liebe Sarah
So ähnlich sah ich die liebenswürdige Enkelin in der apfelgrünen, stilvollen Robe! Ich gratuliere zur geschmackvollen Wahl.
Danke herzlich für den lieben Brief und die guten Wünsche, die demnächst erwidert werden.
Herzlich!
Deine Grossmama
9. May 2006 um 10:37
Wörklech, Sarah, du gsesch guet us i dem Chleid! Und ich cha mer vorsteue, dass dä Ball ganz es bsunders Erläbnis gsi isch - eis, wo du i de Schwiiz i dere Art chum hätsch chönne mache. Irgendwie erinneret das Ganze scho chli a ne Wält, wo me so us Filme kennt…
Hebs no guet, erhol di vo dem “Stress”, und fröi di fescht uf de nöchscht Ball- isch dä scho glii? Glg Annemarie
10. May 2006 um 1:00
hey schwo
d froue heis ja scho vöu spannender met erne chleider. d manne gsäi ja aui glich us i erne azög.
gsesch werklech hammer us. ech be ja werklech gärn di brüeder, aber ergendwie hets ou nachtöu
ech mues ez de ou sone 13-stonde schlaf ga riise, wöu di letschte zwe woche hanech ou ned vöu gschaafe. aber ech schriibe de no e precht zo mine zwe absolute hammerwoche met de yfu ustuschschöuer
10. May 2006 um 21:38
Liebe Sarah
Du hast das schönste Kleid mit der besten Farbe ausgewählt. Bravo, es steht dir wirklich gut. Wo hast du wohl gelernt mit so chicen, hohen Schuhen zu gehen? Und erst noch zu tanzen?
Es kommt mir vor wie in einem Film. Wau, wirklich wunderbar.
Einen guten Abschluss wünsche ich dir.
Liebe Grüsse Helen
11. May 2006 um 17:14
hallo aschenputtel
schwöschterli, mier fähle d’wort, ehrlech! du gsesch ja henneguet us i däm chleid! d’frisur steit der aso ou super! ech erwarte de e speziauvorfüerig, wenn du weder zrogg besch, gäu!
gniesses no!
bro
12. May 2006 um 0:46
ohh simon, tu hermana sta ma wena!!!!, ojala algun dia me pueda casar con ella
y tbn espero q se mantenga con los años 
12. May 2006 um 7:37
hmmm… oebersetztig bitte!!! ech verstah nor oeppe hermana…
15. May 2006 um 2:22
ya te dije que vayas a ver la pagina. yo voy a asegurar que tu futura esposa se mantenga en forma. que tome mucha agua para su piel, que haga deportes para no engordar, etc.
@sarah: ech be ja stouz uf dech, dass du scho hermana verschteisch. d übersetzig; gsächsch sehr guet us. ond de chonnt no chli me, aber das si insider. ech dueders de eisch erkläre.